Sut ydyn ni'n gwybod bod Cydgysylltu Ardaloedd Lleol yn gweithio?
Dechreuodd Cydgysylltu Ardaloedd Lleol ym 1988 yng Ngorllewin Awstralia a daeth i Gymru a Lloegr yn 2009. Ers hynny cynhaliwyd 15 gwerthusiad academaidd annibynnol ar wahanol raglenni Cymraeg a Saesneg.
Mae’r canfyddiadau wedi dangos effeithiau cyson yn unol â nodau’r model:
Canlyniadau system:
Gostyngiadau mewn:
- Ymweliadau â meddygfeydd ac adrannau damweiniau ac achosion brys.
- Dibyniaeth ar wasanaethau iechyd a chymdeithasol ffurfiol.
- Atgyfeiriadau i'r Tîm Iechyd Meddwl a Gofal Cymdeithasol i Oedolion.
- Pryderon diogelu, pobl yn gadael diogelu yn gynt.
- Troi allan a chostau tai.
- Ysmygu ac yfed alcohol.
- Dibyniaeth ar wasanaethau dydd.
- Lleoliadau y tu allan i'r ardal trwy ddod â phobl adref.
Mae tystiolaeth yn dangos bod y model yn helpu i symleiddio'r system, yn ysgogi integreiddio, yn cryfhau cydweithredu traws-system ac yn creu canlyniadau system a rennir.
Ar gyfer pobl a chymunedau:
- Mwy o berthnasoedd cefnogol anffurfiol a gwerthfawr – lleihau unigedd.
- Cynyddu gallu teuluoedd i barhau mewn cymuned ofalgar.
- Mwy o hyder yn y dyfodol.
- Gwell gwybodaeth a chysylltiad â'r gymuned.
- Gwell mynediad at wybodaeth - dewis a rheolaeth.
- Gwell rheolaeth dros eich hun
- Cymunedau ag adnoddau gwell.
- Cefnogaeth i wirfoddoli, hyfforddiant a chyflogaeth.
- Atal argyfyngau drwy ymyrraeth gynnar a chefnogi pobl nad ydynt yn bodloni meini prawf cymhwysedd statudol.
- Gwell mynediad at wasanaethau arbenigol.
Gwerth Cymdeithasol a grëwyd:
Mae'r gwerthusiadau gan gynnwys elw cymdeithasol ar fuddsoddiad (SROI) wedi dangos bod Cydgysylltu Ardaloedd Lleol yn cynhyrchu o leiaf £4 o werth cymdeithasol am bob £1 a fuddsoddir.
